A lavadora non responde
E cando durmo
Na inmensidade da noite,
Os enchufes berran
( da dor ).
Berran
Até provocar
Náuseas electromagnéticas.
A nova era
Revolucionada.
Baixo a mesa da cociña
Habito
atormentada
Pola miña propia torradora.
Non.
Renego desta vida radioactiva.
Só quero un raio de sol.
Manter longas conversas
Coa lúa e o universo.
Non quero falarlle
A un cableado.
Hai anos xa
Que afoguei o teléfono,
Nunha lagoa
Do meu pensamento.
As miñas neuronas,
Calcinadas.
No hay comentarios:
Publicar un comentario