Sempre que paseo soa, ou acompañada, polo
pobo, dou en matinar no mesmo.
Pregúntome o por que da localización das
portas principias das casas.
Para min, o máis lóxico sería que estivesen
situadas na parte traseira.
A razón, é moi sinxela:
Cando vas entrar nunha casa descoñecida,
falo a través dunha fachada,
*(Fachada: Aspecto EXTERIOR dunha persoa,
apariencia) sen saber o que che agarda.
Unha fachada escura, non che adianto un
fogar tenebroso, nin unha branca, garante un fogar limpo e pulcro.
Un día, nun dos meus paseos nocturnos
habituais, decateime dun feito radical.
Ía camiñando paseniño por un angosto
pedregal, cando alcei a vista, e caín na
conta.
As partes traseiras das casas, son como
pasos de transición, como un buraco aberto, dende o cal podes averiguar tódolos
segredos, que, instintivamente se agochan trala fachada principal.
En tan só un ollar, a miña pregunta
respostada, e a miña curiosidade, tapada.
Pero logo, nun postanexo, decateime dun
detalle crucial.
Neses segundos, nos que permanecín alí,
diante daquela casa, expectante, sentinme coma unha intrusa.
Sería unha intrusa, por non querer ter ideas
preconcibidas?
Poida…que quizais fose así, e me estivese a
inmiscuir na propia intimidade allea.
Pero…non aturo os prexuízos!
Non son quen de opinar sobre un fogar, baseándome
na súa fachada.
Dame náuseas, prodúceme arcadas!
Contraponse aos meus principios.
No hay comentarios:
Publicar un comentario