Oxalá puidese bicar os teus beizos,
Beizos vermello paixón…
Síntote tan preto de min,
Lévote no corazón.
Nel ocupas un lar privilexiado.
Pero, nembargantes,
Tan lonxe te vexo…
Pouco a pouco,
Sinto desfacer,
o meu delicado corazón.
Desfaise en anaquiños por ti.
Soño esperto,
Imaxinando que ti és quen os recolle.
Que ti os arrolas nos teus brazos,
Como a nai, que abala ao rapaz,
pra que deixe de chorar.
Que ti os xuntas; fragmento a fragmento.
Déixome levar, como as ondas do mar,
A espera de verte voltar.
De verte co meu corazón ao teu redor.
Desfágome en suspiros,
En cantos adicados,
Ao doce aroma, que o teu cabelo,
Desprende ao pasar.
Déixate levar,
Polo son desta fermosa melodía.
Debuxa comigo engaioladores sorrisos,
Neste abraiante lenzo,
Que o ceo é.
Contempla comigo esta fermosura,
Observa as enfeitizadas estrelas.
E comparte comigo,
O teu gran segredo.
Aquel segredo,
Que un día; gardaches no peto,
E a ninguén volviches mostrar.
No hay comentarios:
Publicar un comentario