Mañá gustaríame espertar cedo.
E tomar unha bocana de aire fresco.
Anegar de saúde os meus pulmóns, que
comezaban a resecarse.
Sinto como, no seu interior, os alvéolos
comezan a botar raíces, no medio dos meus vicios.
E teño medo, non quero que se convirtan nuns
cocainómanos do insalubre.
Non quero asasinalos cruelmente de
sobredose.
Ademais…
A miña pel… xa comezaba a resentirse..
Onte mentras non existía…
Sentín como se derretía, deslizándose entre
os meus dedos… escorregando ata formar gotas, pequenas gotas, que impactaban no
chan…
Nos inmensos azulexos que me lembran
partidas pasadas de xadrez…
Oh, un día destos, teño que voltar a xogar
ao xadrez.
Unha vez, lin nun xornal, que a unha rapaza,
creceulle unha pequena planta nun pulmón…
Ceos! Espero que non me pase o mesmo!
Non me gustaría que residise nos meus
pulmóns unha árbore cocainómana, viciada a hábitos insalubres.
Non. Dende logo que non me gustaría.
Por se acaso, vou tomar como medida
preventiva, deixar de beber auga…
Por mor a regar ese posible erro, fruto das
miñas equivocacións.
No hay comentarios:
Publicar un comentario