Camiño ao
seu carón, e elas víranme as
costas.
Apagan a súa luz, e deixan acesa, a máis
cruel das indiferencias.
E en canto dou tres pasos máis.
Voltan acender a súa luz.
Xa non me quere.
A luz abandooume á miña sorte.
E agora vago soa, a escuras polo mundo.
Baixo a choiva, e contra o vento.
A roupa mollada, comeza a adherírseme ao
corpo.
Dun momento a outro hei esvarar, presíntoo.
Os faros dun vehículo, danme de cheo na
cara…
Non me gusta esa sensación…
E
fecho os ollos.
O automóvil, pasa a gran velocidade a dous
centímetros de min.
Pero eu nin me inmuto, sigo a ter os ollos
fechados…
Creo, que xa non existo.
No hay comentarios:
Publicar un comentario